Ka prodhuar dhe shitur lëndë narkotike, padi penale për një 19 vjeçar nga Gostivari

Gostivari Sot
By Gostivari Sot 20 Shkurt, 2020 11:12

Ka prodhuar dhe shitur lëndë narkotike, padi penale për një 19 vjeçar nga Gostivari

Padi penale kundër një 19 vjeçari nga Gostivari ka parashtruar policia. I riu dyshohet për prodhim dhe shitje të lëndëve narkotike.

“Zyra e jashtme për punë kriminalistike në Gostivar ka inicuar padi penale kundër G.I. 19 vjeç nga Gostivari për shkak të ekzistimit të dyshimit për kryerje të veprës penale “Prodhimi dhe shitje e paautorizuar e lëndëve narkotike, substancave psikotrope dhe prekursorëve”. Me datë 20.08.2019 në fshati Zubovcë, zyrtarë policor nga Departamenti i Policisë së Gllatës – Komuna e Vrapçishtit kanë kontrolluar të denoncuarin, i cili ka qenë i parkuar me veturën e llojit “Fiat” me regjistrim të Italisë, prej ku i kanë gjetur marihuanë”, thonë nga MPB.

Më herët gjatë kësaj jave, policia njoftoi për katër persona të arrestuar nga Gostivari në dy aksione të ndryshme për lëndë narkotike.

Në rasin e parë u privuan nga liria 21-vjeçarin B.A., 27-vjeçarin F.Z. dhe një 16-vjeçar, për arsye se gjatë kontrollit të kryer ndaj tyre ishte gjetur marihuanë.

Në rastin e dytë, në rajonin e Gazi Babës, u privua nga liria H.R. 32 vjeçare nga Gostivari, me banim të përkohshëm në Shkup, pasi gjatë kontrollit te ajo u gjetë një materie pluhur.

Gostivari Sot
By Gostivari Sot 20 Shkurt, 2020 11:12