Buxheti i vitit të ardhshëm i komunës së Gostivarit do të peshojë 18,4 milion euro

Gostivari Sot
By Gostivari Sot 17 Dhjetor, 2019 17:53

Buxheti i vitit të ardhshëm i komunës së Gostivarit do të peshojë 18,4 milion euro

Buxheti i vitit të ardhshëm i Komunës së Gostivarit do të peshojë 18,4 milion euro dhe do të jetë më i lartë se i këtij viti për 10 %. Kjo u tha në debatin publik me qytetarët të propozimi buxhetit për 2020-tën nga përfaqësuesit e Sektorit për Financa pranë Komunës së Gostivarit, raporton Gostivari Sot

Mbushja e arkës së buxhetit do të bëhet nga të ardhurta tatimore, të ardhurta jo tatimore, të ardhurat kapitale, transferet dhe donacionet dhe detyrimet e brendshme. Rritja e buxhetit vjen si rezultat I mire-planifikimit dhe realizimit të lartë të buxhetit të këtij viti.

Sadri Elezi nga sektori për financa dhe buxhet, tha se komuna e Gostivarit buxhetin e sivjetëm deri ditën e sotme ka arritur ta realizojë deri në 95 për qind.

Me buxhetin e vitit 2020-të, komuna ka paraparë të rregullojë disa rrugë e rrugica në qytet dhe fshatra, ndërtim të ujësjellësit dhe kanalizimeve, ndriçim publik, e kështu me radhë. Për të gjitha këto investime infrastrukturore janë paraparë 3 milion euro, tha Gazmend Ismaili nga Sektori për Buxhet dhe Financa pranë Komunës së Gostivarit.

Ismaili sqaroi se këto janë mjete të parapara vetëm nga buxheti, do të ketë edhe investime tjera kapitale të parapara nga Plan Programa Zhvillimore e vitit tjetër, ku ka mjete nga donacionet dhe ministritë. Debat i ngjashëm publik mbi buxhetin e vitit të ardhshëm me qytetarët do të zhvillohet edhe ditën e premte, dhe i njejti mund të pësoj ndryshime, pasi do të merren parasyshë edhe propozimet dhe kërkesat e qytetarëve që do të parashtrohen në këto debate. Ndryshe, propozim buxheti duhet të kalojë në Këshillin Komunal deri në fund të vitit. Gostivari Sot / A.B 

Gostivari Sot
By Gostivari Sot 17 Dhjetor, 2019 17:53