Marko Kepi, shqiptaro-amerikani që synon të bëhet pjesë e asamblesë së New Yorkut

Marko Kepi, një i ri shqiptaro-amerikan, fillon sot fushatën për asamblenë e shtetit të New Yorkut.

Markoja, i cili ka ardhur në SHBA në moshë të vogël, i tha Zërit të Amerikës se në lagjen Staten Island, ku ai garon, ka mjaft shqiptarë por shumë prej tyre nuk regjistrohen për të votuar.

Kandidati i ri republikan thotë se shpreson që të mobilizojë këtë pjesë të votuesve në garën e vështirë që e pret.

Kepi nuk ka qenë ndonjëherë politikan, por ka punuar për fushatat e të e tjerëve.

Ai do të bëjë fushatë së pari në garën brenda partisë republikane në këtë zonë, ku tradicionalisht republikanët fitojnë ndaj demokratëve.

Marko Kepi thotë se shqiptarët janë komunitet shumicë në Staten Island, por fondet i marrin komunitetet e tjera që janë të regjistruar në zgjedhje.

Marko Kepi ka në plan të luftojë për disa çështje që i interesojnë komunitetit që ai përfaqëson.

Ai erdhi në Amerikë si shumë shqiptarë të tjerë dhe ëndrra e tij amerikane është të sjellë ndryshim, duke u futur në politikë.

https://www.zeriamerikes.com/a/5103255.html?utm_medium=affiliate&utm_campaign=VOA-player5103255&utm_source=www.koha.net/arberi/186514/marko-kepi-shqiptaro-amerikani-qe-synon-te-behet-pjese-e-asamblese-se-new-yorkut/&utm_content=player