17 vjet në errësirë totale, shpëtohen arinjtë në Vietnam
Dy arinj, të cilët mbaheshin të bllokuar prej 17 vitesh në një bodrum në Vietnam, janë shpëtuar. Dy kafshët ishin futur në bodrumin e një dyqani rrobash që në kohën kur ata ishin ende këlysh dhe prej 17 vitesh nuk shihnin dritë, përveç asaj artificiale.
Pjesëtarë të një organizate për mbrojtjen e kafshëve, të cilët shpëtuan dy arinjtë, thanë se ata mbaheshin në kushte të tmerrshme. Ata ushqeheshin vetëm me perime të kalbura, ndërsa në bodrum nuk qarkullonte as ajri.
